ភ្នំពេញ: ចំនួនករណីវីរុសបម្លែថ្មី Delta នៅប្រទេសកម្ពុជាកំពុងកើនឡើងជាលំដាប់។ ក្រសួងសុខាភិបាលបានប្រកាសនៅថ្ងៃសុក្រនេះថាករណីនៃវីរុស Delta នៅទូទាំងប្រទេសសរុបមានចំនួន ១,៥៣៤ ករណីក្នុងនោះមានខេត្តចំនួន ២ ដែលពុំមានករណីវីរុស Delta គឺ ខេត្តកែប និងក្រចេះ។ ចំណែកឯទីក្រុងភ្នំពេញត្រូវបានរកឃើញថាមានករណីវីរុស Delta ច្រើនជាងគេ។
ករណី Delta ថ្មីចំនួន ៤៣ ករណីត្រូវបានរកឃើញនៅក្នុងរដ្ឋធានីនៅសប្តាហ៍នេះ ដូច្នេះករណីវីរុស Delta សរុបនៅទីក្រុងភ្នំពេញមានចំនួន ៤៥០ ករណី។ ខេត្តបន្ទាយមានជ័យមានចំនួនអ្នកជម្ងឺ Delta ចំនួន២៨៦ នាក់ ឧត្តរមានជ័យមានចំនួន ២០៧ នាក់ និងសៀមរាបមានចំនួន ១៧៨ នាក់។
ផ្សារកណ្តាលរាជធានីភ្នំពេញត្រូវបានបិទជាបណ្តោះអាសន្នបន្ទាប់ពីមានអ្នកជំងឺ Delta ទៅទិញឥវ៉ាន់នៅថ្ងៃទី ១៥ ខែសីហា។ អ្នកលក់សរុបចំនួន ៣៨៤ នាក់និងប្រជាពលរដ្ឋនៅក្បែរនោះបានធ្វើតេស្តតាមរយៈតេស្តរហ័សដែលក្នុងនោះបីនាក់មានវិជ្ជមាន។